Sngi U Blei Laitia ba Phra

Jingpuson na ka Gospel u Mathius 6:24-34

Kawei ka jingiathuh khana kaba baroh na ngi tip bha ka long shaphang ki dkhiew bad u puit. Haba u dkhiew u bun kam ban lum jingbam, hynrei u puit pat u shu shongkai bad u shu rynsied kai. Haba ka sngi jong u slap u la wan, ki dhiew ki shong kai bad ki syaid, bad u don shibun ki jingbam, hynrei u puit u iap ha ka jingthngan bad ha ka jingkhriat.

Kane ka jingiathuh khana ka ai ia ngi ka jingsneng ba ngi dei ban long ki bastad bad kiba iohi lypa—ban lait na ka aiom jong u slap, ngi ong. Ka long kaba dei ba ka jingiaroh  bam ioh bad ban iada, bad ban ioh ka jingkoit jingkhiah, ban pynkhreh ruh ia kaei kaei ka jinglong ha ka ka ban sa wan. Mynta kumne, ki briew ki la buh lypa ia ka jingkynshew ka baheh na ka bynta ka seng. Kam don kaei kaei ka jingbym dei ia ka ne – tad ha duh ba ngi dang kynmaw ba ka don ka jing im hadien. Ka jingeh ka long ba ki briew ki la pynkhreh lypa na ka bynta ka lashai, hynrei tang ha kane ka pyrthei khlem da pyrkhat ia ka jingim lawei. Man ka por, ngi iohi ia ki briew ki leh bakla, jingia leh thma tang ban ioh shibun ka pisa bad ban ioh im pahuh pahai. u Trai u la maham, “ kam myntoi aiu ia u briew lada u ioh ia ka pyrthei baroh kawei, hynrei yn duh ei ia ka jingim”(Mt 16:26)

Ka don kawei ka jingiathuh khana shaphang u wei u briew u ba ioh spah da ka um syep bad ka jingtrei shitom jong u hi. Te kunta, ha kaba khatduh ha ka jingim jong u, u kylla long u ba riew spah bha. U kut jingmut ban pynkylla ia ka jingdon jong u sha u mawlynnai bad kiwei kiwei ki maw kordor. Te u buh ia u ta ha iwei i pla ibarit bad ka kham suk ia u ban rah kat shaba u leit. Hadien katto katne por, u ioh pang, hynrei u bat ia i ta i pla haduh ba yn da iap. Ha ka ba khatduh u wan ha khmat jong ka jingkhang jong ka bneng, bad u dang bat ia kata ka pla barit, U Petrus bakhuid u ia kynduh ia u bad u ong, “ phi long u briew u ba bha ha ka pyrthei. Phi lah ban rug bad phi hap ban ieh ia kato ka pla barit habar,” “kaei”uta u briew u la ong, “ kane ka dei u soh jong ka jingbha jong nga. Ngam lah ban ieh ia ka hadien,” “te”, U petrus bakhuid u ong, “ te phim lah ban rung ha bneng. Phi lah ban leit sha kawei pat ka jaka,” hynrei sngewbha,” u la kyrpad, “ to ai ba ngan wan rah lang bad nga shapoh. Ngam lah ban ia khlad na ka”  “ym don jaka “U Petrus bakhuid u la pyneh. “ phi hap ban jied: ka bneng khlem ka pla ne to don bad phi kato ka pla ha dujok. Hynrei nga don khyndiat ka jingkwah tip. To ngan peit don aiu hato ha poh pla.” U peit hangta , bad u iohi ia u ta u mawlynnai bad kawei kiwei ki maw kordor, “phi kwah ban leit sha dujok tang namar ki shyaip bad ki maw ki barit?” “kaei ka jingmut?” u ta u briew u kylli,” to peit hi,” U petrus bakhuid u la batai , “ki shyiap bad ki maw rit ha bneng ki dei ki mawlynnai bad kai kiwei kiwei ki maw kordor sha sla pyrthei.

Uei u ba don kam ia ka ksiar bad ka rupa ha ka hima bneng?” bad harud, kaei kaba ngi lah ban iohi ha bneng ka ba jngai na ka jingpyrkhat briew jong ngi? Kane ka long kaei ka ba u Paulus bakhuid u ong, “ka khmat kam iohi, ka skhor kam shu iohsngew, lymne u briew yn ju poi pyrkhat ia kata kaba u Blei u la pynkhreh ia kito ki ba ieid ia u”(I kor 2:6-10) kane ka pynpoi sa ka jingkut “ ngam khein snep ei ei ia wat ki jingjynjar ba mynta haba ia nujor ia ki bad ka burom ba yn sa pynpaw ha ngi”(Rom 8:18).

Ha ka jingpule mynta ka sngi, u Jisu u pynshlur ia ngi ban kyntait ia shibun ki jingteing, jinglehrain bad ki jingartatien. U khot ia ngi ban shu ngeit ia ka jingieid jong u kpa u ba ha bneng. U Blei u pynbiang. Ym ju duna. Kumba u prophet Isaiah u kdew, watla ka kmie ka klet ia la i jong i khun lajong, u Blei ym juh klet ia ngi. U Paulus bakhuid u ong, “uta u bym shem la bynnud wat ia la u khun lajong, hynrei u la aiti ia u na ka bynta jong ngi baroh hato un ym ai ruh ha ngi ia kiei kiei baroh lem bad u?”(Rom 8:32)

 Haba ngi don jingngeit tang khyndait shaphang ka jing iohi lypa ia ka jingieid jong u Blei, kam don ka jing artatien shaphang, ki dak ki shin jong ka jingduna ka jingngeit. U Jisu u la pynshai ia ngi: “ym don u briew u ba lah ban shakri ar kynrad, … phim lah ban shakri ia u Blei bad ia ka spah (mammon)” ka kyntien mammon ka juh khot ba ka dei ka pisa, hynrei ka don ruh shibun jingmut. Ha ka kyntien Hebru kane ka ktien ka mut, “ban shaniah” Mammon ka wan ka jingmut , “ha kaba u briew u buh ka jingshaniah”. Ka ieng ha ka jong ka tien kai, u blei u bym dei Blei. U briew u ba buh ka jingshaniah ha u Mammon u don hapdeng ka jingartatien bad ka jinglehrain, da kaba tip ba kine ki tiar kim neh junom.

Ka jingartatien ruh kalah ban wanrah ia ka jingpyrkhat bakla ia ka kamram jong ka jingim. Ngim don ha kane ka pyrthei bankynshew spah bad jingjop. Kum ka Mother Terasa bakhuid ka ong, “ u Blei ym khot ia nga ban long ka nongjop; u khot ia nga ban don ha ka jingngeit ,” kane ka long kaei ka ba u Paulus bakhuid u pynpaw ha ka jingpule kaba ar, da kaba pynkynmaw ia ngi kum ba “ngi long ki shakri jongu Khrist bad ki nongialeh jong ka jingmaia jong u Blei .” te kumta ngi kwah ban shakri ia u Blei, bad ym ia u mammon – baroh kaba ngi don –naka bynta ka jingngeit ha u Blei.

Ha ka sngi u Blei mynstep, ha shuwa ban leit sha ka mass, u Teddy u ioh ar tylli ki pisa na ka kmie. Ka batai ia u “ shiteng ka dei naka bynta u Blei. Buh ha ka pla jingkynshew. Shiteng pat na ka bynta u ice cream ynda la wai ka mass,” haba u Teddy bad ki paralok jongu ki dang ia iaid, u ialeh kai bad kata ka pisa, da kaba kynteng ia ki shalor bad kem biang ia ka. Ha kawei ka sien u lait ban kem ia ka bad ka tyllun sha nylla jong ka surok. “Oh Shiss!” u ong. ”mynta ngam don ei ei ban ai ha ka pla jingkynshew, kato ka dei ia u Blei”.

Ka jingsbun ka la lyndet ia u briew u ba dap tang da ka jingartatien. U Trai u khot ia ngi ban shaniah tylli ha u kpa bneng, ka jingshaniah ha ka jingmaia jong ka jingieid jong u. u kwah ia ngi ban kmen ha jingsuk jong ka jingim. U Augustine u lap ba ka jingsuk bad u ong, “phi la pynlong ia nga namar jong me, ko Trai bad ka mynsiem jong nga kam shongsuk lymda ka shong bad me” haba ka jingpynshoi bad ka jingeh ka wan, to ngin ia peit sha u Blei bad ong ia lade sha ka pyrthei mynta "Ka mynsiem jong nga ka shongthait ha u Blei marwei”. (typeset/iMac/inbuiltmic)