Sngi Ba-ar 1/2/2011

Heb 12:1-4,
Mk 5:21-43

Ka ei mo ka jingpang, ka jingkhuslai, ka jingtieng ne ka jingkynduh mawsiang ka ba pynpang bad pynshitom jingmut ia phi haduh da ki phew snem? Hato phi la wad nongpynkhiah - hynrei khlem ioh jingkoit bad jingsuk satia! Lada don kum kita - snoh mynsiem lang bad kato ka riewkynthei ba ngi lap ha ka Kospel ba mynta ka sngi, ka ba shitom na ka jingmih snam hauh 12 snem. U Jisu u don ha pdeng jongphi mynta, wan sha U - kner ki kti ban ioh jingkyrkhu da ka bor maian un pynkoit ia phi. Ngi lah ban wan sha U kumba kato ka riewkynthei ka la leh. U Jisu ha ka Iukharis bakhuid u don ka bor ban pynkoit ia baroh ki jaid jingpang lada ngi pdiang ia U da ka jingngeit. Hato ngi kloi ban wan sha U kumba kata ka riewkynthei ka wan??? - Un pynkoit ia ngi!!!

Sngi Saitjain 29/1/2011

Heb 11:1-2; 8-19
Mk 4:35-41

Ka Jinggngeit ka long ka ba kongsan ha ka jingim jongngi ki briew. Ha ka jingpule na ka shithi sha ki Hebru ka ong: 'Ka jingngeit ka long ka jingsngewskhem shaphang kaei kaei kaba ngi kyrmen ban ioh, bad ka jingsngewthikna shaphang kiei kiei ba ngim iohi'. Ka jingngeit ka wan na ka jingbymiohi hynrei pat ngi shaniah ba ka don ne long kumta. Ka jingpule ba mynta ka sngi ka ai ia ki nuksa na ka Jutang Barim shaphang U Abraham, U Isak, bad ruh ka Sara. Ka Kospel mynta ka sngi ka wer iangi ban long ki briew ba dap da ka jingngeit, namar ngim dei mangi ki ba bat ia ka jingim jongngi - dei U Trai.

Sngi Thohdieng 28/1/2011

Heb 10:32-39
Mk 4: 26-34

U nongthoh ia ka shithi sha ki Hebru u ong ba ki ba pdiang ia U Jisu Khrist ki long ki briew ki "ba stad". Dei da kata ka juh ka jingstad ka ba la pynlong ia ki Khristan ba nyngkong ban shah ia ki jingshitom ha ka rukom ba ia jan bad U Jisu. Hato ngi iohmad kumkata ka "jingstad"? Ki don bun jaid ki jingstad ki ba ngim lah ban shemphang - lait noh da ka jingngeit. Ka nia bad ka jutang ki kut - ngim lah ban ioh jubap ba shai. Ka Kospel mynta ka sngi ka kren ia ka jingjia ki ba urlong man ka sngi - hynrei ngim lah ban sngewthuh kumno? Kumno u symbai - u ai jingim ia u jyngthung u pynlongjingim. Hato lada u symbai um pymih jynthung ne jingim - ngi lah ban law ia u kumba ngi leh ia ka tiar kali ne television? U symbai u trei da ka wei ka rukom - ka rukom ba kynja mynsiem. Kane ka kynja mynsiem ka long ka ba eh ban sngewthuh bad shemphang. 'Tang ka jingngeit' kein - ka jingstad ha U Blei.

Sngi Palei /27/1/2011

Heb 10:19-25,
Mk 4:21-25

 Ngi ioh biang ia ka jingphuhsamrkhie na kiwei lada ngi ai ne pyni shwa ia ka jingphuhsamrkhie jongngi ia ki. Ban ioh shithi na ki wei ngi hap ban thoh shuwa. Lada ngi kwah ban ioh jingkyrkhu - ngi dei ban duwai shuwa. Bunsien, ngi ud ba ki briew bad U Blei ruh kumjuh ki la klet iangi khamtam haba ngi kynduh mawsiang, hynrei hato balei ngim kylli ia lade ba haduh katno ngi la long ki ba kloi ban iarap ia kiwei? "KA JINGSBUN" ka dei ka ka wei na ki sap ka ba phalang, ka bymlah ban buhrieh tang hi poh pyrha. Ki briew ki donkam ban ioi bad tip shaphang ka jingsbun jongngi, khnang ba kan long kum ka iktiar ban pynshlur ia ki ban nangleh bha shuh shuh. Ka jingbishni ka ialam sha ka jingjot. Lda ngi long ki ba sbun ha ki kam ki jam, ka por bad ki jingdon jingem jongngi - ngin ioh ar shah. Kat kaba ngi ai, ngin ioh! Ai ia ka jingieid - ban ioh pat iaka.